ద్వాదశ జ్యోతిర్లింగ స్త్రోత్రం

 

సౌరాష్ట్రదేశే విశదే తిరమ్యే జ్యోతిర్మయం చంద్రకలావతంసం

భక్తి ప్రదానాయ కృపావతీర్థం తం సోమనాథం శరణం ప్రపద్యే.


శ్రీ శైలశృంగే విబుధాతిసంగే తులాద్రితుంగేపి ముదావసంతమ్

తమర్జునం మల్లికాపూర్వ మేకం నమామి సంసారసముద్ర సేతుమ్.

అవంతికాయాం విహితావతారం ముక్తి ప్రదానాయచ సజ్జనానామ్

అకాలమృత్యో: పరిరక్షణార్థం వందే మహాకాల మహాసురేశమ్.

కావేరికా నర్మదయో: పవిత్రే సమాగమే సజ్జనతారణాయ

సదైవ మాంధాతృపురే వసంత మోంకార మీశం శివమేకమీడే

పూర్వోత్తరే ప్రజ్వలికా నిధానే సదా వసంతం గిరిజా సమేతమ్.

సురాసురారాధిత పాదపద్మం శ్రీ వైద్యనాథం త మహం నమామి

యామ్యేసదంగే నగరేతి రమ్యే విభూశితాంగం వివిధై శ్చభోగై:

సద్భక్తి ముక్తిప్రద మీశ మేకం శ్రీ నాగనాథం శరణం ప్రపద్యే

మహాద్రిపార్శ్యేచ తటేరమంతం సంపూజ్యమానం సతతం మునీంద్రై:

సురాసురై ర్యక్షమహోరగాద్యై: కేదారమిశం శివమేకమీడే


సహ్యాద్రిశీర్షే విమలే వసంతం గోదావరితీర పవిత్రదేశే

యద్దర్శనాత్పాతకమాశునాశం ప్రయాతి తం త్ర్యంబకమీశమీడే


సు తామ్రాపర్ణీ జలరాశియోగే నిబధ్య సేతుం విశిఖై రసంఖ్యై:

శ్రీ రామచంద్రేణ సమర్పితం తం రామేశ్వరాఖ్యం నియతం నమామి


యం ఢాకినీశాకినికా సమాజే నిషేవ్యమాణం పిశితాతనైశ్చ

సదైవ భీమాది పద ప్రసిద్ధం తం శంకరం భక్తహితం నమామి


సానంద మానందవనే వసంత మానందకందం హతపాపబృందమ్

వారాణసీనాథ మనాథనాథం శ్రీ విశ్వనాథం శరణం ప్రపద్యే.


ఇలాపురే రమ్యవిశాల కే స్మిన్ సముల్లసంతం చ జగద్వేరేణ్యమ్

దేవం మహోదారాతర స్వభావం ఘ్రుష్ణేశ్వరాఖ్యం శరణం ప్రపద్యే


జ్యోతిర్మయ ద్వాదశలింగకానాం శివాత్మనాం ప్రో క్తమిదం క్రమేణ

స్తోత్రం పఠిత్వామనుజో తిభక్త్యాఫలం తదలోక నిజం భజేచ్చ