ఓ పవనాత్మజ వో ఘనుఁడ : అన్నమయ్య సంకీర్తన

 

రాగము: శ్రీరాగం
రేకు: 0356-01
సంపుటము: 4-327

॥పల్లవి॥ 
ఓ పవనాత్మజ వో ఘనుఁడ
బాపుబాపనఁగఁ బరగితిగా!!


॥చ1॥
వో హనుమంతుడ వుదయాచలని -
ర్వాహక నిజసర్వ ప్రబల -
దేహము మోఁచిన
 తెగువకు నిటువలె
సాహసమిటువలెఁ జాటితిగా!!


॥చ2॥
వో రవిగ్రహణ వో దనుజాంతక
మారులేక మతి మలసితిగా
దారుణపువినతాతనయాదలు
గారవింప నిటు గలిగితిగా!!


॥చ3॥ 
వో దశముఖహర
వో వేంకటపతి -
పాదసరోరుహపాలకుఁడా
యీ దేహముతో నిన్నిలోకములు
నీదేహమెక్క నిలిచితిగా!!