కూరగాయ కృతం : చమత్కార పద్యం

 

చమత్కార పద్యం


 కూరగాయ కృతం 
 త్రాసం, పాలనేతి 
 గవాం ప్రియం 
 అంబలి ద్వేషిణం వందే, చింతకాయ శివ ప్రదం 

తా:--తెలుగు పదాలతో కూడి వున్న ఒక చమత్కార శ్లోకం యిది.

పాలు,నేయి, అంబలి, చింతకాయ అనే పదాలు తెలుగు పదాలు.

అయితే ఆ పదాలను సరిగా విడదీస్తే సంస్కృత
పదాలుగా మారిపోతాయి.

మరి  ఒకసారి పరిశీలిద్దామా?

ఇది విష్ణుమూర్తి యొక్క ప్రార్థన.

కూరగాయ కృతం త్రాసం; కు= చెడ్డ, ఉరగము =పాము

కుత్సితమైన ఆలోచనలుగల కాళీయుడనే నాగరాజును కృష్ణావతారంలో మర్దనం గావించి భయాన్ని . కలిగించినవాడికి
 వందే=నమస్కరించుచున్నాను. అని అర్థం.

'పాలనేతి గవాం ప్రియం' ఇక్కడ పాలు,నేయి అనే అర్థం కాదు.

పాలనే అతి అని విడదీసుకోవాలి

గవాం పాలనే అతి ప్రియం =ఆవులను కాపాడడం అంటే చాలా ఇష్టపడే వాడు.

కృష్ణావతారం లో గోసంరక్షణ గావించాడు.

అతనికి నేను నమస్కరించు చున్నాను.

అంబలి ద్వేషిణం అన్నప్పుడు

అం =విష్ణువు, బలి ద్వేషిణం అని విడదీసుకోవాలి

బలిని ద్వేషించినవాడికి నమస్కరించు చున్నాను.అని అర్థం.

చింతకాయ శివప్రదం అన్న వాక్యంలో...
 చింతన అంటే ఆలోచనచేసే ,ధ్యానించే . చింతకుడు.

విష్ణువును గూర్చి ఆలోచించే వాడికి శుభాన్ని కలిగించేవాడికి నమస్కరించు చున్నాను.