అదే యుగధర్మం కాబోలు అదే అసలు సిసలైన లోగో...

దగా చేసినోడు దర్జాగా దొరలా తిరుగుతుండు;

 

దగాపడ్డ వాడు దిగాలుఅయిండు ఇదేమి చోద్యమో!

 

 పైసలు మింగునోడు పీఠం ఎక్కిండు;

 

పైసలు కట్టేవాడు డీలాపడ్డాడు ఇదేమి చిత్రమో!

 

పల్టీలు కొట్టినోడు పై అధకారి అయిండు;

 

పస్ట్ వచ్చినోడు వీధులవెంట పడ్డాడు ఇదేమి రాతరో!

 

బికరీ కాస్త బే ఫీకిర్ గా మారాడు;

 

యాజమాని కాస్త ఫకీర్ అయిండు ఇదేమి విచిత్రమో!

 

పోకరి పనిగాడు జెంటిల్ అయిండు;

 

జెంటిల్ తుంటరి అయిండు ఇదేమి తీరో!

 

బేవారుసు ఆవారాగాడు కాస్త భలే మొనగాడు అయిండు;

 

శభేష్ అయినవాడు బజార్ పాలయ్యాడు  ఇదేమి తిరకాసో!

 

పడ్డవాడు లేచ్చాడు;

 

నడిచే వాడు కూలబడ్డాడు ఇదేమి తికమకో!

 

ఏడ్చే వాడు నవ్వుతూన్నాడు; నవ్వే వాడు రోదిస్తూన్నాడు ఇదేమి నాటకమో!

 

తిరిగే తింగరి తిమింగలం అయిండు;

 

తెలివైన వాడు తిక్కలోడు అయిండు ఇదేమి లోసుగో!

 

పని పాట లేని వాడు హుషారు అయిండు;

 

హుషారైనవాడు రుణగ్రస్తుడైనాడు ఇదేమి మాయో!

 

అజ్ఞాని అమితజ్ఞానపరుడైనాడు; అన్ని తెలిసిన వాడు పరమ మూర్ఘుడైండు ఇదేమి మర్మమో!

 

మోస ఖరుడు దీనదరుడు అయిండు; సాయం చేయువాడు చెల్లని కాసు అయిండు ఇదేమి కర్మనో!

 

ఏది? ఏమయినప్పటికీ;

 

భక్షకుడు! మారనే లేదు!! శిక్షకుడైన రక్షకుడు   మారనే లేదు!!!

 

అదే యుగధర్మమే కాబోలు అదే అసలు సిసలైన లోగో ...@

 

రచన..సయ్యద్ హయ్యూల్ హయ్యూమ్ (చురకశ్రీ) కావలి.