ముత్యమంత తెల్లనైన మనసు బాలలు ! :: శ్రీదేవిప్రభాకర్ తంత్రవహి

 "బాలగేయం"

ముత్యమంత తెల్లనైన మనసు బాలలు !

వెన్నెలంత స్వచ్ఛమైన

వెలుగు బాలలు !!

విరిసే పువ్వు వంటివారు బాలలు !

మెరిసే నవ్వు వంటివారు బాలలు !!

కురిసేచినుకు వంటివారు బాలలు !

కన్నులలో కాంతి నింపు

వారు బాలలు !!

చిరునవ్వుకు చిరునామా

చిట్టి బాలలు !

తెలుగుజాతి దివ్యభవిత

ఘనులు బాలలు !!

స్వీయరచన: 6.9.2022.

శ్రీదేవిప్రభాకర్ తంత్రవహి

హైదరాబాద్.