తల్లికి వందనం స్కీమ్.. జులై 22న ఖాతాల్లోకి రూ. 13,000!
ఆంధ్రప్రదేశ్ ప్రభుత్వం "తల్లికి వందనం" పథకానికి సంబంధించిన G.O.Ms 15 & 16 అధికారిక మార్గదర్శకాలను విడుదల చేసింది!
ముఖ్యమైన వివరాలు:
- నికర నగదు: ఒక విద్యార్థికి రూ. 15,000 కాగా, పాఠశాలల నిర్వహణ కొరకు రూ. 2,000 మినహాయించి.. తల్లుల ఖాతాల్లో రూ. 13,000 నేరుగా జులై 22న జమ అవుతాయి.
- పరిమితి లేదు: ఒకే ఇంట్లో ఎంతమంది పిల్లలు ఉన్నా, అర్హత ఉంటే ప్రతి ఒక్కరికీ వర్తిస్తుంది.
- ఎవరికి వర్తిస్తుంది?: 1 నుండి 12వ తరగతి (ఇంటర్) వరకు ప్రభుత్వ మరియు గుర్తింపు పొందిన ప్రైవేట్ స్కూల్/కాలేజీ విద్యార్థులందరికీ లభిస్తుంది.
- కొత్త అడ్మిషన్లు: 1వ తరగతి మరియు జూనియర్ ఇంటర్ కొత్త అడ్మిషన్ల వారికి ఆగస్టు 30న నగదు విడుదల.
⚠️ మీ పేరు అర్హుల జాబితాలో ఉందో లేదో వెంటనే చెక్ చేసుకోండి! ఒకవేళ లేకపోతే జులై 22 నుండి ఆగస్టు 3 లోపు సచివాలయంలో ఫిర్యాదు చేయవచ్చు.
తల్లికి వందనం పథకం – అర్హత ప్రమాణాలు (Eligibility Criteria)
1. కుటుంబ ఆదాయం:
గ్రామీణ ప్రాంతాల్లో నెలకు రూ.10,000 లోపు, పట్టణ ప్రాంతాల్లో రూ.12,000 లోపు ఉండాలి.
2. రేషన్ కార్డు:
కుటుంబంలో కనీసం ఒకరి పేరుపై రైస్ కార్డు ఉండాలి.
3. భూమి పరిమితి:
- మాగాణి భూమి 3 ఎకరాల లోపు, లేదా
- మెట్ట భూమి 10 ఎకరాల లోపు, లేదా
- రెండు కలిపి మొత్తం 10 ఎకరాల లోపు ఉండాలి.
4. నాలుగు చక్రాల వాహనం:
కుటుంబంలో ఎవరి పేరుపైనా 4 చక్రాల వాహనం ఉంటే అర్హులు కారు. (టాక్సీ, ట్రాక్టర్, ఆటోలకు మినహాయింపు ఉంది.)
5. విద్యుత్ వినియోగం:
కుటుంబం నెలకు సగటున 300 యూనిట్లలోపు విద్యుత్ వినియోగం ఉండాలి. (గత 12 నెలల సగటును పరిగణలోకి తీసుకుంటారు.)
6. మున్సిపల్ ఆస్తి:
1000 చదరపు అడుగులు లేదా అంతకంటే ఎక్కువ విస్తీర్ణం గల మున్సిపల్ ఆస్తి ఉండకూడదు.
7. ప్రభుత్వ ఉద్యోగి / పెన్షనర్:
కుటుంబంలో ఎవరైనా కేంద్ర/రాష్ట్ర ప్రభుత్వ ఉద్యోగి, PSU ఉద్యోగి లేదా ప్రభుత్వ పెన్షన్ పొందేవారు అయితే అర్హులు కారు. (పారిశుద్ధ్య కార్మికులు, అంగన్వాడీ సిబ్బందికి మినహాయింపు ఉంది.)
8. ఆదాయ పన్ను:
కుటుంబంలో ఎవరైనా ఇన్కమ్ ట్యాక్స్ చెల్లిస్తే అర్హులు కారు.
9. కుటుంబ డేటాబేస్:
లబ్ధిదారుడు ఆంధ్రప్రదేశ్ కుటుంబ డేటాబేస్లో ఉండాలి. అవసరమైతే క్షేత్రస్థాయిలో ధృవీకరణ చేసి అర్హత నిర్ధారిస్తారు.
10. చదువుతున్న విద్యార్థులు:
విద్యార్థులు 1వ తరగతి నుంచి ఇంటర్ (12వ తరగతి) వరకు ప్రభుత్వ, ఎయిడెడ్ లేదా గుర్తింపు పొందిన ప్రైవేట్ పాఠశాలలు/జూనియర్ కళాశాలల్లో చదువుతూ ఉండాలి. (ITI, పాలిటెక్నిక్, IIIT (RGUKT) తదితర కోర్సులు ఈ పథకానికి వర్తించవు.)
11. అనాథలు & వీధి బాలలు:
స్వచ్ఛంద సంస్థల ద్వారా పాఠశాలల్లో చేరిన అనాథలు, వీధి బాలలు సంబంధిత శాఖ ధృవీకరణతో అర్హులు.
12. అనాథ పిల్లల బ్యాంకు ఖాతా:
బ్యాంకు ఖాతా లేని అర్హులైన అనాథ పిల్లలకు గార్డియన్ ఆధ్వర్యంలో మైనర్ బ్యాంకు ఖాతా తెరిపించి ఆర్థిక సహాయం జమ చేస్తారు.
13. ఆధార్ సీడింగ్:
తల్లి బ్యాంకు ఖాతాకు ఆధార్ లింక్ (NPCI Seeding) తప్పనిసరిగా పూర్తి అయి ఉండాలి.
14. కొత్త అడ్మిషన్లు:
1వ తరగతి మరియు 11వ తరగతి కొత్త ప్రవేశాలు పూర్తయ్యాక అదనపు అర్హులకూ ఆర్థిక సహాయం అందజేస్తారు.
