పేజీ 23 - చిత్రం చూడండి – ఆలోచించి మాట్లాడండి & కవి పరిచయం ప్రశ్నలు - జవాబులు
-
1. చిత్రంలో ఏమేమి వస్తువులు ఉన్నాయి? ఎవరెవరు ఉన్నారు?Ans: చిత్రంలో ప్రాథమిక పాఠశాల భవనం, జాతీయ జెండా, జెండా స్తంభం, పూల కుండీలు, నీళ్ళ వాటరింగ్ క్యాన్, డ్రాయింగ్ బోర్డు, రంగులు, బ్రష్లు, జెండా చిత్రాలు ఉన్నాయి. విద్యార్థులు (బాలబాలికలు) రంగులు వేస్తూ, మొక్కలకు నీళ్ళు పోస్తూ, జెండా చిత్రాన్ని గీస్తూ ఉన్నారు.
-
2. జెండా ఎప్పుడెప్పుడు ఎగరవేస్తారు?Ans: ఆగస్టు 15న స్వాతంత్ర్య దినోత్సవం మరియు జనవరి 26న గణతంత్ర దినోత్సవం సందర్భాలలో ప్రాథమిక పాఠశాలలు, ప్రభుత్వ కార్యాలయాలు మరియు ఇతర ప్రాముఖ్యత కలిగిన రోజులలో జాతీయ జెండాను ఎగరవేస్తారు.
-
3. మన జాతీయ జెండాలో ఏయే రంగులు ఉంటాయి?Ans: మన జాతీయ జెండాలో కాషాయం (Saffron), తెలుపు (White), ఆకుపచ్చ (Green) అనే మూడు రంగులు ఉంటాయి. మధ్యలో నీలిరంగు అశోక చక్రం ఉంటుంది.
-
4. 'దేశమును ప్రేమించుమన్నా' పాట కవి పరిచయం గురించి రాయండి.Ans: ఈ గేయాన్ని **గురజాడ వేంకట అప్పారావు** (జననం: 21.9.1862 - మరణం: 30.11.1915) గారు రచించారు. ఈయన ఆధునిక తెలుగు కవిత్వానికి, సాహిత్యానికి మార్గదర్శకులు, యుగకర్త, కవి, కథకులు, నాటకకర్త, చరిత్రకారులు, శాసన పరిశోధకులు మరియు భాషావేత్త. తెలుగు సాహిత్యంలో వాడుకభాషను ప్రవేశపెట్టి చిరస్మరణీయమైన రచనలు చేశారు. వీరి 'కన్యాశుల్కం' నాటకం ఆధునిక తెలుగు సాహిత్యంలో అత్యంత విశిష్టమైన రచన.
పేజీ 27 - వినడం-ఆలోచించి మాట్లాడటం & చదవడం-వ్యక్తపరచడం ప్రశ్నలు - జవాబులు
-
ఇవి చేయండి – వినడం – ఆలోచించి మాట్లాడటం1. గేయంలో దేశాన్ని ప్రేమించాలి అన్నారు కదా! దేశాన్ని ప్రేమించాలంటే మీరేం చేస్తారు?Ans: దేశాన్ని ప్రేమించాలంటే ఒట్టి మాటలు చెప్పకుండా తోటి ప్రజలకు సహాయం చేస్తాను. పరిసరాలను పరిశుభ్రంగా ఉంచుకుంటాను. జాతీయ చిహ్నాలను, జెండాను గౌరవిస్తాను మరియు అందరితో సోదరభావంతో ఉంటాను.2. గేయ సారాంశాన్ని మీ సొంత మాటల్లో చెప్పండి.Ans: దేశాన్ని ప్రేమించి, మంచిని పెంచాలి. ఒట్టి మాటలు కట్టిపెట్టి గట్టి మేలు చేయాలి. పాడిపంటలు పొంగిపొర్లేలా కష్టపడాలి. దేశభక్తి ఉందంటూ గొప్పలు చెప్పకుండా ప్రజలకు మేలు చేసి చూపించాలి. స్వంత లాభం మానుకొని పొరుగువారికి తోడ్పడాలి. దేశమంటే మట్టి కాదని, మనుషులని గ్రహించి అందరూ అన్నదమ్ములవలె కలిసిమెలసి నడవాలి.3. ఈ గేయం ఆధారంగా దేశభక్తిని గురించి మీ భావాలు తెలపండి.Ans: దేశభక్తి అంటే కేవలం జెండా ఎగరవేయడం లేదా పొగడ్తలు చెప్పుకోవడం కాదు. స్వార్థాన్ని వీడి పక్కవారికి సహాయపడడం, దేశాభివృద్ధికి కృషి చేయడం మరియు మత సామరస్యంతో మెలగడమే నిజమైన దేశభక్తి.4. సొంతలాభం మానుకొని ఏం చేయాలి?Ans: సొంతలాభం కొంత మానుకొని పొరుగువాడికి (ఇతరులకు) సహాయపడాలి.5. జాతులు, మతములు ఎలా మెలగాలి?Ans: జాతులు, మతములు అన్నీ భేదాలు మరచి అన్నదమ్ముల వలె కలసిమెలసి ఉండాలి.
-
చదవడం – వ్యక్తపరచడం – అ) పాఠం ఆధారంగా ప్రశ్నలకు జవాబులు రాయండి.1. గట్టి మేలు తలపెట్టాలంటే మనం ఏమి చేయాలి?Ans: గట్టి మేలు తలపెట్టాలంటే మనం ఒట్టి మాటలు కట్టిపెట్టి ప్రజలకు ఉపయోగపడే పనులు చేయాలి.2. ఐకమత్యం గురించి కవి ఏమని చెప్పారు?Ans: దేశస్థులంతా చెట్టపట్టాల్ పట్టుకొని ఒకరికొకరు తోడుగా నడవాలని, మతాలు జాతులు వేరైనా అందరూ అన్నదమ్ముల వలె ఐకమత్యంతో మెలగాలని కవి చెప్పారు.
-
(ఆ) కింది పేరాను చదవండి. ప్రశ్నలకు జవాబులు రాయండి.పేరా: ఒక వీధిలో అన్ని మతాలవారు కలసిమెలసి ఉండేవారు. వారు అన్ని మతాల పండుగలను కలసి ఆనందంగా జరుపుకుంటారు. ఒకరోజు సంతోష్, వాళ్ళ నాన్నను 'నాన్నా! మనం ఎందుకు అన్ని పండుగలు జరుపుకుంటాము'? అని అడిగాడు. అప్పుడు వాళ్ళ నాన్న నవ్వుతూ, 'బాబూ! పండుగలు ఆనందాన్ని పంచుకోవడం కోసం చేసుకుంటాము. ఆనందానికి మతం ఉండదు' అని జవాబు ఇచ్చాడు.1. పేరా ఆధారంగా పండుగలు ఎందుకు చేసుకుంటారు? ( అ )అ) ఆనందం కొరకు ఆ) మాట్లాడుట కొరకు
ఇ) దూరంగా ఉండుట కొరకు ఈ) కొత్తబట్టలు కొరకుAns: అ) ఆనందం కొరకు2. సంతోష్కు వచ్చిన సందేహాన్ని వాళ్ళ నాన్న ఎలా తీర్చాడు?Ans: "బాబూ! పండుగలు ఆనందాన్ని పంచుకోవడం కోసం చేసుకుంటాము. ఆనందానికి మతం ఉండదు" అని నవ్వుతూ సంతోష్ నాన్న అతని సందేహాన్ని తీర్చాడు.3. అన్ని మతాల పండుగలు కలసి చేసుకోవడంపై నీ ఉద్దేశం ఏమిటి?Ans: అన్ని మతాల పండుగలు కలసి జరుపుకోవడం వలన మనుషుల మధ్య ఐకమత్యం, ఆప్యాయత మరియు సోదరభావం పెరుగుతాయి. ఇది చాలా మంచి పద్ధతి.4. మీ వీధిలో మీరెప్పుడైనా అలా జరుపుకున్నారా? జరుపుకుంటే ఎలా జరుపుకున్నారో రాయండి.Ans: అవును, మా వీధిలో సంక్రాంతి, రంజాన్ మరియు క్రిస్మస్ పండుగలను అందరం కలిసి జరుపుకుంటాము. ఒకరింటికి ఒకరం వెళ్ళి పలకరించుకుంటూ, పిండివంటలు పంచుకుంటూ సంతోషంగా గడుపుతాము.
పేజీ 27 - వినడం-ఆలోచించి మాట్లాడటం & చదవడం-వ్యక్తపరచడం ప్రశ్నలు - జవాబులు
-
ఇవి చేయండి – వినడం – ఆలోచించి మాట్లాడటం1. గేయంలో దేశాన్ని ప్రేమించాలి అన్నారు కదా! దేశాన్ని ప్రేమించాలంటే మీరేం చేస్తారు?Ans: దేశాన్ని ప్రేమించాలంటే ఒట్టి మాటలు చెప్పకుండా తోటి ప్రజలకు సహాయం చేస్తాను. పరిసరాలను పరిశుభ్రంగా ఉంచుకుంటాను. జాతీయ చిహ్నాలను, జెండాను గౌరవిస్తాను మరియు అందరితో సోదరభావంతో ఉంటాను.2. గేయ సారాంశాన్ని మీ సొంత మాటాల్లో చెప్పండి.Ans: దేశాన్ని ప్రేమించి, మంచిని పెంచాలి. ఒట్టి మాటలు కట్టిపెట్టి గట్టి మేలు చేయాలి. పాడిపంటలు పొంగిపొర్లేలా కష్టపడాలి. దేశభక్తి ఉందంటూ గొప్పలు చెప్పకుండా ప్రజలకు మేలు చేసి చూపించాలి. స్వంత లాభం మానుకొని పొరుగువారికి తోడ్పడాలి. దేశమంటే మట్టి కాదని, మనుషులని గ్రహించి అందరూ అన్నదమ్ములవలె కలిసిమెలసి నడవాలి.3. ఈ గేయం ఆధారంగా దేశభక్తిని గురించి మీ భావాలు తెలపండి.Ans: దేశభక్తి అంటే కేవలం జెండా ఎగరవేయడం లేదా పొగడ్తలు చెప్పుకోవడం కాదు. స్వార్థాన్ని వీడి పక్కవారికి సహాయపడడం, దేశాభివృద్ధికి కృషి చేయడం మరియు మత సామరస్యంతో మెలగడమే నిజమైన దేశభక్తి.4. సొంతలాభం మానుకొని ఏం చేయాలి?Ans: సొంతలాభం కొంత మానుకొని పొరుగువాడికి (ఇతరులకు) సహాయపడాలి.5. జాతులు, మతములు ఎలా మెలగాలి?Ans: జాతులు, మతములు అన్నీ భేదాలు మరచి అన్నదమ్ముల వలె కలసిమెలసి ఉండాలి.
-
చదవడం – వ్యక్తపరచడం – అ) పాఠం ఆధారంగా ప్రశ్నలకు జవాబులు రాయండి.1. గట్టి మేలు తలపెట్టాలంటే మనం ఏమి చేయాలి?Ans: గట్టి మేలు తలపెట్టాలంటే మనం ఒట్టి మాటలు కట్టిపెట్టి ప్రజలకు ఉపయోగపడే పనులు చేయాలి.2. ఐకమత్యం గురించి కవి ఏమని చెప్పారు?Ans: దేశస్థులంతా చెట్టపట్టాల్ పట్టుకొని ఒకరికొకరు తోడుగా నడవాలని, మతాలు జాతులు వేరైనా అందరూ అన్నదమ్ముల వలె ఐకమత్యంతో మెలగాలని కవి చెప్పారు.
-
(ఆ) కింది పేరాను చదవండి. ప్రశ్నలకు జవాబులు రాయండి.పేరా: ఒక వీధిలో అన్ని మతాలవారు కలసిమెలసి ఉండేవారు. వారు అన్ని మతాల పండుగలను కలసి ఆనందంగా జరుపుకుంటారు. ఒకరోజు సంతోష్, వాళ్ళ నాన్నను 'నాన్నా! మనం ఎందుకు అన్ని పండుగలు జరుపుకుంటాము'? అని అడిగాడు. అప్పుడు వాళ్ళ నాన్న నవ్వుతూ, 'బాబూ! పండుగలు ఆనందాన్ని పంచుకోవడం కోసం చేసుకుంటాము. ఆనందానికి మతం ఉండదు' అని జవాబు ఇచ్చాడు.1. పేరా ఆధారంగా పండుగలు ఎందుకు చేసుకుంటారు? ( అ )అ) ఆనందం కొరకు ఆ) మాట్లాడుట కొరకు
ఇ) దూరంగా ఉండుట కొరకు ఈ) కొత్తబట్టలు కొరకుAns: అ) ఆనందం కొరకు2. సంతోష్కు వచ్చిన సందేహాన్ని వాళ్ళ నాన్న ఎలా తీర్చాడు?Ans: "బాబూ! పండుగలు ఆనందాన్ని పంచుకోవడం కోసం చేసుకుంటాము. ఆనందానికి మతం ఉండదు" అని నవ్వుతూ సంతోష్ నాన్న అతని సందేహాన్ని తీర్చాడు.3. అన్ని మతాల పండుగలు కలసి చేసుకోవడంపై నీ ఉద్దేశం ఏమిటి?Ans: అన్ని మతాల పండుగలు కలసి జరుపుకోవడం వలన మనుషుల మధ్య ఐకమత్యం, ఆప్యాయత మరియు సోదరభావం పెరుగుతాయి. ఇది చాలా మంచి పద్ధతి.4. మీ వీధిలో మీరెప్పుడైనా అలా జరుపుకున్నారా? జరుపుకుంటే ఎలా జరుపుకున్నారో రాయండి.Ans: అవును, మా వీధిలో సంక్రాంతి, రంజాన్ మరియు క్రిస్మస్ పండుగలను అందరం కలిసి జరుపుకుంటాము. ఒకరింటికి ఒకరం వెళ్ళి పలకరించుకుంటూ, పిండివంటలు పంచుకుంటూ సంతోషంగా గడుపుతాము.
పేజీ 28 - పదజాలం (చెట్ల పేర్లు, సొంత వాక్యాలు) & స్వీయరచన ప్రశ్నలు - జవాబులు
-
పదజాలం – అ) కింది గళ్ళల్లో చెట్ల పేర్లు దాగి ఉన్నాయి. వాటిని గుర్తించి రాయండి.1. మామిడి (ఉదాహరణ)
2. వేప
3. రావి
4. మర్రి
5. ఉసిరి
6. అరటి
7. జామ
8. కొబ్బరి
9. సంపంగి
10. నారద మందారఆ) పై పదాలను ఉపయోగించి సొంత వాక్యాలు రాయండి.ఉదా : మామిడి ఆకులతో తోరణాలు కడతారు.
1. వేప చెట్టు గాలి ఆరోగ్యానికి చాలా మంచిది.
2. రావి చెట్టు కింద ప్రశాంతంగా ఉంటుంది.
3. మా ఊరిలో పెద్ద మర్రి చెట్టు ఉంది. -
స్వీయరచన1. దేశాన్ని ఎలా ప్రేమించాలని కవి అన్నాడు?Ans: దేశాన్ని మనస్ఫూర్తిగా ప్రేమించాలని, ఒట్టి మాటలతో కాలం వృథా చేయకుండా ప్రజలకు మేలు చేసే పనులు చేస్తూ దేశాన్ని ప్రేమించాలని కవి చెప్పారు.2. నీవు నీ సాటివారికి ఎలా తోడ్పడుతావో సొంత మాటల్లో రాయండి.Ans: నా స్వార్థాన్ని కొంత మానుకొని, కష్టాల్లో ఉన్న సాటివారికి సాయపడతాను. చదువులో వెనుకబడిన స్నేహితులకు చదువు చెప్తాను. అవసరమైన వారికి వస్తువులు ఇచ్చి తోడ్పడతాను.3. అన్ని మతాల వారు ఎలా మెలగాలని కవి చెప్పాడు?Ans: మతాలు, జాతులు వేరైనా భేదభావాలు లేకుండా ప్రజలందరూ అన్నదమ్ముల వలె ఐకమత్యంతో కలసిమెలసి ఉండాలని కవి చెప్పాడు.4. భారతావనిలో ప్రజలందరూ సోదర భావంతో ఉండాలనే భావాన్ని తెలుపుతూ కొన్ని వాక్యాలు రాయండి.Ans: 1. భారతీయులందరూ నా సహోదరులు అనే భావంతో ఉండాలి.
2. కుల, మత, ప్రాంత భేదాలను మరచి ఒకరికొకరు సహాయం చేసుకోవాలి.
3. అందరూ కలసికట్టుగా దేశాభివృద్ధికి కృషి చేయాలి.5. మనం దేశభక్తిని ఎలా చాటాలి?Ans: కేవలం మాటలతో కాకుండా చేతల ద్వారా దేశభక్తిని చాటాలి. ప్రజలకు ఉపయోగపడే పనులు చేయడం, సమాజానికి మేలు కలగజేయడం, పర్యావరణాన్ని కాపాడడం ద్వారా మనం దేశభక్తిని చాటవచ్చు.6. “తిండి కలిగితె కండ కలదోయ్, కండ కలవాడేను మనిషోయ్” అనే గేయపాదం ద్వారా మీరేమి తెలుసుకున్నారు?Ans: పాడిపంటలు సమృద్ధిగా ఉండి మంచి ఆహారం లభించినప్పుడే మనుషులకు బలం (ఆరోగ్యం) చేకూరుతుంది. ఆరోగ్యవంతమైన శరీరంతో, దృఢమైన మనస్సుతో ఉన్నవాడే దేశాభివృద్ధికి కష్టపడగలడని తెలుసుకున్నాను.
పేజీ 29 - సృజనాత్మకత, ప్రశంస & భాషాంశాలు ప్రశ్నలు - జవాబులు
-
సృజనాత్మకత – అ) కింది గేయాన్ని పొడిగించండి.ఇచ్చిన గేయం:
వందనం వందనం
భరతమాతకు వందనం
వందనం వందనం
గాంధీ తాతకు వందనంగేయం పొడిగింపు:
వందనం వందనం
నెహ్రూ చాచాకు వందనం!
వందనం వందనం
దేశ సైనికులకు వందనం! -
ప్రశంస – దేశభక్తి గురించి తెలుసుకున్నారు కదా! మన దేశాన్ని నిత్యం రక్షించే సైనికులు ఎవరైనా ఎదురుపడితే ఏవిధంగా ప్రశంసిస్తారు?Ans: "దేశ రక్షణ కోసం ఎండ, వాన, చలిని సైతం లెక్కచేయకుండా సరిహద్దుల్లో రాత్రింబవళ్లు మీరు చేసే త్యాగం ఎంతో గొప్పది. మీ ధైర్యసాహసాల వల్లే మేమందరం ఇళ్ళల్లో ప్రశాంతంగా, సురక్షితంగా ఉండగలుగుతున్నాము. మన దేశానికి మీరు అందిస్తున్న సేవలకు హృదయపూర్వక ధన్యవాదాలు, మీ సేవలకు జైహింద్!" అని ప్రశంసిస్తూ సెల్యూట్ చేస్తాను.
-
భాషాంశాలు – అ) కింది వాక్యాలు చదవండి. ‘ ? ’ ఈ గుర్తుకు ‘O’ (సున్నా) చుట్టండి.1. మీకు ఏయే పండ్లు ఇష్టం?
2. మీదగ్గర ఎన్ని పుస్తకాలు ఉన్నాయి?
3. ఆంధ్రప్రదేశ్లో మడ అడవులు ఎక్కడ ఉన్నాయి?
4. విమానాశ్రయానికి చేరుకోవాలంటే బస్సులుంటాయా?
5. విశాఖపట్నంలో ప్రముఖ పర్యాటక ప్రదేశాలు ఏవి?
6. రైల్ నిలయంలో ఏయే రకాల రిజర్వేషన్ టికెట్లు లభిస్తాయి?గమనిక: పై వాక్యాలన్నింటి చివర ఉన్న ‘ ? ’ గుర్తును గుర్తించి సున్నా (O) చుట్టాలి.
పేజీ 30 - ప్రాజెక్టు పని (దేశనాయకులు - వివరాలు)
-
ప్రాజెక్టు పని – దేశనాయకుల చిత్రాలు సేకరించి, వారు దేశానికి చేసిన సేవలను నాలుగైదు వాక్యాలలో రాయండి:1. మహాత్మా గాంధీ:• మహాత్మా గాంధీగారు మన భారత జాతిపిత.
• ఈయన సత్యం, అహింసా మార్గాలలో బ్రిటిష్ పాలనకు వ్యతిరేకంగా పోరాటాలు చేశారు.
• ఉప్పు సత్యాగ్రహం, క్విట్ ఇండియా వంటి ఉద్యమాలకు నాయకత్వం వహించి దేశానికి స్వాతంత్ర్యం తీసుకువచ్చారు.
• శాంతియుతమైన పోరాటం ద్వారా ప్రపంచంలోనే గొప్ప నాయకుడిగా గుర్తింపు పొందారు.2. అల్లూరి సీతారామరాజు:• అల్లూరి సీతారామరాజు గారు విప్లవ వీరుడు, గొప్ప మన్యం విప్లవ నాయకుడు.
• బ్రిటిష్ వారి దౌర్జన్యాలకు వ్యతిరేకంగా గిరిజనులను ఏకం చేసి మన్యం తిరుగుబాటు చేశారు.
• "రంప తిరుగుబాటు" ద్వారా బ్రిటిష్ పోలీసు స్టేషన్లపై దాడులు చేసి వారిని భయపెట్టారు.
• చిన్న వయస్సులోనే దేశ స్వాతంత్ర్యం కోసం తన ప్రాణాలను త్యాగం చేసిన అమరవీరుడు.3. డాక్టర్ బి.ఆర్. అంబేడ్కర్:• డాక్టర్ బి.ఆర్. అంబేడ్కర్ గారు భారత రాజ్యాంగ పితామహుడు.
• మన భారతదేశ సమగ్ర రాజ్యాంగాన్ని రచించడంలో ముఖ్యమైన పాత్ర పోషించారు.
• సమాజంలోని అణగారిన వర్గాల, హక్కుల కోసం నిరంతరం పోరాడారు.
• భారతదేశంలో విద్య, సమానత్వం, సామాజిక న్యాయం కోసం కృషి చేశారు.4. పింగళి వెంకయ్య:• పింగళి వెంకయ్య గారు ఆంధ్రప్రదేశ్కు చెందిన గొప్ప స్వాతంత్ర్య సమరయోధుడు.
• మన భారత జాతీయ పతాకాన్ని (త్రివర్ణ పతాకం) రూపకల్పన చేశారు.
• విభిన్న నమూనాలను పరిశీలించి, కాషాయం, తెలుపు, ఆకుపచ్చ రంగులతో జెండాను తయారుచేశారు.
• ఈయన సేవలు భారతీయులందరికీ ఎల్లప్పుడూ గర్వకారణం.
పేజీ 33 - నేనేమి నేర్చుకున్నాను?
-
1) 'దేశమంటే మట్టి కాదోయ్ – దేశమంటే _______ ' ( ఇ )అ) చెట్లు ఆ) పుట్టలు
ఇ) మనుషులోయ్ ఈ) నదులుAns: ఇ) మనుషులోయ్ -
2) కింది పదాలకు బహువచనాలు రాయండి.1. పంట : పంటలు
2. దేశం : దేశాలు -
3) 'చెట్టపట్టాల్' పట్టుకోవడం అంటే అర్థాన్ని గుర్తించండి. ( ఆ )అ) గొడవ పడటం ఆ) కలిసిమెలిసి ఉండటం
ఇ) విడిపోవటం ఈ) చెట్టు ఎక్కటంAns: ఆ) కలిసిమెలిసి ఉండటం -
4) కింది పేరాను చదివి, ప్రశ్నలకు సమాధానాలు రాయండి.పేరా: మా ఊరి చివర ఒక పెద్ద మామిడి చెట్టు ఉంది. వేసవి కాలం రాగానే అది నిండా కాయలు కాస్తుంది. పిల్లలందరూ ఆ చెట్టు కింద ఆడుకుంటారు. ఆ చెట్టు మాకు చల్లని నీడను, తీయని పండ్లను ఇస్తుంది. పక్షులు ఆ చెట్టు మీద గూళ్లు కట్టుకుని నివసిస్తాయి.i) మామిడి చెట్టు పిల్లలకు, పక్షులకు ఏవిధంగా ఉపయోగపడుతుంది?Ans: మామిడి చెట్టు పిల్లలకు ఆడుకోవడానికి చల్లని నీడను, తినడానికి తీయని పండ్లను ఇస్తుంది. పక్షులు గూళ్ళు కట్టుకుని నివసించడానికి ఉపయోగపడుతుంది.ii) పై పేరాలో ద్విత్వ, సంయుక్తాక్షర పదాలను రాయండి.
ద్విత్వాక్షర పదాలు సంయుక్తాక్షర పదాలు పెద్ద, చెట్టు, పిల్లలందరూ, నివసిస్తాయి, గూళ్లు పండ్లు, పక్షులు, కాస్తుంది -
5) ‘దేశమును ప్రేమించుమన్నా’ గేయం ఆధారంగా వాక్యాలు రాయండి.1. దేశమును ప్రేమించుమన్నా, మంచి అన్నది పెంచుమన్నా.
2. ఒట్టి మాటలు కట్టిపెట్టోయి, గట్టి మేల్ తలపెట్టవోయి.
3. స్వంత లాభం కొంత మానుకు, పొరుగు వాడికి తోడుపడవోయి.
4. దేశమంటే మట్టి కాదోయి, దేశమంటే మనుషులోయి. -
6) మీ ప్రాంతంలో దేశ సైనికునిగా పనిచేస్తున్న లేదా పని చేసిన వ్యక్తి గురించి తెలుసుకొని రెండు వాక్యాలు రాయండి.Ans: 1. మా ఊరిలోని రామయ్య గారు భారతీయ సైన్యంలో 20 సంవత్సరాల పాటు దేశ సరిహద్దుల్లో సేవ చేసి నమ్మకంగా పనిచేశారు.
2. ఆయన సైనిక జీవితంలో చూపిన ధైర్యసాహసాలు, దేశభక్తి మా ఊరి ప్రజలందరికీ ఎంతో స్ఫూర్తినిస్తాయి. -
7) ‘భిన్నత్వంలో ఏకత్వం’ అనే భావం తెలియజేస్తూ దేశం గురించి రెండు వాక్యాలు రాయండి.Ans: 1. మన భారతదేశంలో రకరకాల భాషలు, ఆచారాలు, సంస్కృతులు ఉన్నప్పటికీ ప్రజలందరూ భారతీయులుగా కలిసి జీవిస్తున్నారు.
2. విభిన్న మతాలు, వర్గాలు ఉన్నప్పటికీ జాతీయ పండుగలు మరియు ఆపద సమయంలో అందరూ ఒకే తాటిపై నిలిచి ‘భిన్నత్వంలో ఏకత్వం’ చాటుతారు.
